Фестивалот на отворено за љубителите на метал музиката наредниот викенд со дводневна програма ќе се одржи во Градот на конзулите.
Овогодишниот Metal Discharge ќе биде, како што вели организаторот, „досега најголемиот метал фестивал во историјата на Битола“. Во дводневната програма публиката на отвореното ракометно игралиште ќе ги забавуваат дури 14 бендови од домашната сцена, но и од соседна Србија.
„Ќе настапуваат моментално најзаслужните бендови од македонската сцена, од хардкор ветерани до најновите локални млади деца што се осмелиле да творат свој материјал, како и најактуелните бендови од српското подземје“, вели организаторот.
Новитет оваа година е што гостите од другите градови ќе имаат можност да кампуваат. Просторот околу спортската сала „Боро Чурлевски“ е обезбеден за камп за фестивалот. Регистрација за место за камп може да се направи најкасно до четврток (6 Јуни) до 12:00 часот и тоа на линкот.
Дводневните карти се во продажба по цена од 900 денари, а можат да се набават на следниве локации:
- Битола: „Pub Bourbon Street“ и „Везилка“
- Скопје: „Custom Pub“
- Прилеп: „Integra Sistems Security“ (Бизнис центар, I кат)
- Куманово: „QRecords Macedonia“ (077 901 631)
- Охрид: „Irish Pub Five“
Во рамките на фестивалот, на 8 јуни скопскиот бенд „TrendKill“ ќе го промовира нивниот трет студиски албум насловен „Половен Crossover“.
Metal Discharge прв пат се одржа во 2011 година, но по уште едно издание следуваше 10-годишна пауза, за да биде реактивиран во 2022.
Саатницата за двете вечери е веќе позната:
