Српскиот репрезентативец Сергеј Милинковиќ-Савиќ одлично дебитираше за својот нов клуб - саудиски Ал Хилал.
По седумдесет секунди игра, Милинковиќ-Савиќ постигна гол на пријателскиот натпревар против Ал Кувајт - по центаршут од десната страна, со глава ја упати топката во голот.
Беше спектакл пред 70.000 навивачи, за клубот во кој се преселија и Калиду Кулибали и Рубен Невес.
Милинковиќ-Савиќ летово по осум години го напушти Лацио – неговиот поранешен клуб заработи 40 милиони евра, додека годишната плата на Сергеј наводно е 20 милиони.
Натпреварот заврши со победа на Ал Хилал од 4:2.
