Џеф Безос го објави насловот на новата серија и првиот тизер трејлер за „The Lord of the Rings: The Rings of Power“.
Во краткиот трејлер е претставена приказната за создавањето на дваесетте прстени на моќта, дадени на разните народи кои ја населуваат Средната Земја.
Емитувањето е закажано за 2 септември 2022 година. Епизодите од продолжението ќе се објавуваат секоја недела на стрим-платформата Amazon Prime, што е достапна во повеќе од 240 земји.
Новата серија, чија втора сезона е во подготовка, раскажува за настаните што ѝ претходат на оригиналната трилогија во режија на Питер Џексон.
Сепак, Amazon засега не ги открива деталите околу приказната.
