Италијанскиот фудбалски стручњак Џенаро Гатузо ќе го преземе шпанскиот клуб Валенсија и со тоа ќе ја продолжи својата тренерска кариера во Ла Лига.
Marca, Diario Sport и други медиуми во Шпанија пишуваат дека Гатузо денеска ќе се сретне со првиот човек на Валенсија, а тоа го потврди и официјалната клупска радио станица.
Гатузо и неговиот агент Хорхе Мендеш отпатуваа во Сингапур за да се сретнат со најголемиот акционер на Валенсија, Питер Лим, и се очекува да потпишат двегодишен договор.
Тренерот Хозе Бордалас ќе го напушти клубот откако не успеа да избори пласман во Европа бидејќи клубот заврши на деветтото место на табелата во Ла Лига. Точно, „лилјаците“ играа во финалето на Купот на кралот, но беа поразени на пенали од Бетис.
Гатузо досега ги водеше Милан и Наполи, а Фиорентина ја напушти две недели по потпишувањето на договорот поради несогласувања со челниците на клубот.