Компанијата Walt Disney и Скарлет Јохансон се спогодија околу судскиот спор околу дистрибуцијата на филмот на Marvel – „Black Widow“.
Јохансон ја тужеше компанијата, обвинувајќи дека го прекршиле договорот со објавувањето на платформата Disney+, додека филмот се емитуваше и во кината. Глумицата сметаше дека оваа одлука ја лишува од можна заработка.
Подробности од договорот засега не се откриваат.
– Многу сум задоволен што успеавме да постигнеме заеднички договор со Скарлет Јохансон за спорот околу Black Widow. Го цениме нејзиниот придонес во кино-универзумот Marvel и со нетрпение очекуваме да работиме заедно на уште многу претстојни проекти, вклучувајќи ја и „Tower of Terror“, изјави Алан Бергман, претставник на студиото Disney.
Скарлет, исто така, е задоволна што успешно ги реши разликите со продукцискиот гигант и се радува на натамошната соработка.
– Многу сум горда на работата што ја правевме заедно во текот на годиниве и многу сум среќна со мојот креативен однос со тимот на компанијата, вели таа во соопштението за јавноста.
