Според најновите податоци, во светот со новиот коронавирус досега се заразени 38.947.653 лица. Од последици од COVID-19 починале 1.099.641 пациент, а оздравеле 29.239.129 луѓе.
– Во Бугарија во последните 24 часа се потврдени 819 случаи на коронавирус. Тоа е првпат во оваа земја бројот на новозаразени со COVID-19 да надмине 800. Вкупниот број на инфицирани во Бугарија изнесува 26.593. Денешната бројка на смртни случаи изнесува 6 луѓе, а од почетокот на пандемијата се починати вкупно 929.
– Рекорден број новозаразени се регистрирани во последното деноноќие во Албанија, кога се направени и најголем број тестови досега во еден ден. Од 1.398 тестирани сомнителни случаи, позитивен резултат е добиен кај 257 или околу 19 отсто од тестираните. Според Министертвото, во изминатите 24 часа починале 5 лица во болнички услови, додека оздравеле 102 лица.
– Во последното деноноќие во Словенија се потврдени нови 745 заразени лица со коронавирус, а едно лице почина. Со тоа вкупниот број на заразени во земјата изнесува 10.683, соопшти Министерството за здравство. Од минатиот петок во Словенија во сила се нови строги мерки во 7 од 12 покраини, кои веќе се наоѓаат во опасна „црвена“ зона.
– Во Косово во последните 24 часа не почина ниеден заразен од COVID-19, така што бројката на жртви на епидемијата останува 650. Вчера се регистрирани 77 новозаразени и 59 излекувани, а од појавата на пандемијата коронавирусот е откриен вкупно кај 16.502 лицa, од кои како излекувани се водат 14.519 случаи. Активни носители на вирусот моментно во Косово се 1.333 лица. Вчера се извршени 649, а од почетокот на пандемијата 77.272 тестирања со методот РТ-ПЦР.
– Бројот на смртни случаи од COVID-19 во Русија се зголеми за 286 во изминатите 24 часа, што е најголем дневен пораст од почетокот на пандемијата. Досега во земјата се починати вкупно 23.491. Во последното деноноќие се регистрирани 13.754 нови лица заразени со коронавирус. Вкупно 1.354.163 лица се заразени од коронавирус, покажуваат податоците на оперативниот штаб за борба против COVID-19. Од почетокот на пандемијата во Русија се оздравени 1.048.097 пациенти.
– Во Холандија се потврдени нови 7.791 случај на коронавирус, што е најголем број на заразени во еден ден од почетокот на пандемијата, соопшти холандскиот Институт за јавно здравје. Поради зголемениот број на инфицирани лица, холандската Влада донесе одлука за воведување делумен карантин со цел да се забави ширењето на заразата, која стапува во сила од денеска. Во Холандија од почетокот на пандемијата од COVID-19 заболеле 203.954 луѓе.
– Во Италија во последните 24 часа се потврдени рекордни 8.804 новозаразени со коронавирус. Тоа е голем пораст во однос на вчера, кога беа 7.332. Бројот на починати во последното деноноќие изнесува 83 лица.
– Во Црна Гора во последните 24 часа се регистрирани 211 новозаразени и 4 смртни случаи, соопшти Институтот за јавно здравје. Најголем број новозаразени и понатаму се од Подгорица, 93.