Главните награди на синоќешното доделување на Златните глобуси им припаднаа на „The Fabelmans“ и на „The Banshees of Inisherin“.
Златните глобуси годинава се вратија во гламурозен стил, а наградите во главните категории им припаднаа на „The Banshees of Inisherin“ и серијата „Abbott Elementary“, кои освоија по три Златни глобуси.
Меѓу наградите се и оние за најдобар филм и најдобра серија. Колин Фарел ја освои наградата за најдобра машка главна улога („The Banshees of Inisherin“), а Мартин Мекдона за најдобро сценарио.
Најдобра драма-серија, според Здружението на странски новинари во Холивуд (ХФПА), е „House of the Dragon“.
Полуавтобиографскиот филм на Стивен Спилберг, „The Fabelmans“ ја освои наградата за најдобра драма, како и за режисер.
Признанија за најдобри актери во различни категории освоија Остин Батлер за улогата во „Elvis“, Кејт Бланшет за „Tar“, а меѓу наградените се и Анџела Басет, Кевин Костнер, Зендеја, Еван Питерс, Мишел Јео, Ке Хуј Кван, Тајлер Џејмс Вилијамс, Квинта Брансон, Џулија Гарнер и други.