Актуелниот американски претседател Доналд Трамп се изјасни против воведувањето строги ограничувачки мерки во земјата поради ширењето на коронавирусот, за разлика од Велика Британија.
– Не сакаме строги ограничувачки мерки. Решението на проблемот не смее да биде полошо од самиот проблем!, напиша тој на својот профил на Twitter, приложувајќи линк до материјалот на BBC за заострување на рестриктивните мерки во Велика Британија.
На вонредната прес-конференција вчера попладне, британскиот премиер Борис Џонсон рече дека стапката на ширење на COVID-19 во земјата нагло се забрза по идентификувањето на новата генетска варијанта на коронавирусот. Поради тоа, состојбата со епидемијата во Лондон и југоистокот на Англија бара воведување на зголемено ниво на ограничувања.
The entire WORLD is being badly hurt by the China Virus, but if you listen to the Fake News Lamestream Media, and Big Tech, you would think that we are the only one. No, but we are the Country that developed vaccines, and years ahead of schedule! https://t.co/z1UoJ8lbTm
— Donald J. Trump (@realDonaldTrump) December 19, 2020
Четвртото ниво на закана од ширење на инфекцијата, кое сега ќе стане максимално наместо досегашното трето, предвидува забрана за продавници кои не продаваат суштински производи, како што се фризерници и спортски сали, покрај претходно затворените ресторани, пабови и кафулиња. На луѓето им се препорачува да не ги напуштаат своите домови доколку не е апсолутно неопходно и да се воздржат од патувања во земјата и странство. Воведени се ограничувања при влегување и напуштање на оние области каде е во сила четвртото ниво на ширење на инфекцијата.
И претходно, Трамп постојано се спротивставуваше на воведувањето на строги санитарни ограничувања во САД и се залагаше за отстранување на постојните, објаснувајќи го ваквиот пристап со фактот дека тие и штетат на економијата на земјата, што за возврат уште повеќе ја отежнува борбата против ефектите на коронавирусот.
