Истражниот тим на СЗО го посети пазарот во Вухан, кој беше дистрибутивен центар за храна за време на локдаунот од 76 дена минатата година.
Истражниот тим на СЗО, кој се состои од експерти од областите ветеринарна медицина, вирусологија, епидемиологија, технологија и безбедност на храна, вчера во придружба на поголема група кинески колеги, посети и две болници во местото што беше жариштето на епидемијата.
За време на оваа мисија, што е придружена со политички притисок поради напорите на Кина да избегне обвинувања за погрешни одлуки во текот на првите денови од епидемијата, членовите на тимот на СЗО вчера ја посетија изложбата посветена на избувнувањето на епидемијата на коронавирус.
СЗО претходно објави дека членовите на истражниот тим нема да имаат контакти со локалната заедница поради ризик од ширење на вирусот корона.
Кинеската влада се залага за теоријата дека епидемијата започнала поради вирус увезен во замрзната морска храна, за што нема докази.