Турскиот претседател Реџеп Тајип Ердоган денеска се сретна со рускиот претседател Владимир Путин во Астана, главниот град на Казахстан, каде што учествуваше на 24. Самит на шефови на држави на Шангајската организација за соработка.
Ердоган го покани рускиот колега Путин во Турција.
„Покрај овие топли односи меѓу Русија и Турција, со нетрпение очекувам што поскоро да Ве угостиме во мојата земја“, рече Ердоган.
Путин одговори дека дефинитивно ќе ја посети Турција.
„Долго време не можевме да се сретнеме со мојот драг пријател. Одржувавме телефонска дипломатија, но нашите колеги беа во постојан контакт меѓу себе. Нашите министри ја одржуваа својата комуникација“, рече Ердоган.
Тој најави нуклеарна соработка со Русија.
„Ќе преземеме сериозни чекори во однос на нуклеарните централи. Имаме разговори за нуклеарната централа Sinop. Веруваме дека можеме да преземеме сериозни чекори на овој план. Нашиот министер за енергетика и природни ресурси продолжува со разговорите со неговиот колега. Во меѓувреме, односите меѓу BOTAŞ и GAZPROM продолжуваат во искрена атмосфера. Нашата цел беше да достигнеме 100 милијарди долари“, најави Ердоган.
Турскиот претседател се фокусираше и на туризмот.
„Во однос на туризмот, за нас беше многу важно што во нашата земја доаѓаат околу седум милиони туристи. За нас е важно да бидеме домаќини на руски туристи во Турција. Нашата искреност во ова прашање продолжува со истата определба. Ќе продолжиме на ист начин сè додека руските туристи се задоволни од Турција“, рече Ердоган.
Ердоган е на 24. самит на шефови на држави на Шангајската организација за соработка, на која Турција е „дијалог партнер“, на покана на претседателот на Казахстан, Касим-Жомарт Токаев.
На самитот, на кој се очекува да бидат на дневен ред регионалната безбедност, заедничките инфраструктурни проекти, транспортната и енергетската соработка, се очекува и повик за прекин на огнот за Газа и спроведување на резолуциите на Обединетите Нации.