Со песната „Oh Maman!“ во изведба на Лисандро, победник на овогодинешното јубилејно 20-то издание на Детскиот избор за песна на Евровизија е Франција.
Лисандро собра најмногу бодови и од жирито и од онлајн гласањето, вкупно 203, и заврши на првото место пред домаќинот Ерменија која беше втора со 180, и Грузија на третото место со 161 бод.
Македонија со песната „Животот е пред мене“ во изведба на Лара Трпческа со Јован и Ирина се пласираше на 14-тото место со 54 бодови, пред Казахстан и Малта. Музиката беше дело на таткото на Лара, пијанистот Симон Трпчески заедно со Дарко Димитров, а текстот го напиша самата Лара со нејзиниот чичко Јован Трпчески.
