Во потрагата по нов дизајн за идните банкноти на еврото, Европската централна банка (ЕЦБ) доби занимлив предлог од Европскиот парламент.
Имено, германскиот политичар од редовите на Слободните демократи, Мориц Кернер, побара основачите на BioNTech – Угур Шахин и Озлем Туреџи, да бидат на една од банкнотите. Се работи за изумителите на Pfizer/BioNTech вакцините.
– На новите банкноти треба да има важни европски личности како што е брачната двојка на основачот на BioNTech. Нивната работа ги спаси животите на милиони Европејци!, нагласи членот на ЕП за Die Welt.
– Нивниот животен пат е импресивна приказна за интеграција, напредок, претприемништво, научна извонредност и потенцијал на отворено имиграциско општество, додаде тој.
Дваесет години по воведувањето на еврото, ЕЦБ почна процес на редизајн на парите.
Мнението на јавноста ќе биде важен дел во процесот, но ќе минат години пред да биде завршен редизајнот. Управниот совет на ЕЦБ во 2024 година треба да одлучи за печатењето нови банкноти и кога тие би биле пуштени во оптек.