Германската железничка компанија Deutsche Bahn денеска соопшти дека сака целосно да ги отстрани дизел горивата од своите возила и да ги замени со биогорива до 2040 година.
„Нашите 3.000 дизел возила од оваа година постепено ќе се префрлаат на алтернативни горива“, изјави во неделата извршниот директор на компанијата Ричард Луц.
„Покрај насочувањето кон 100% зелена енергија, постепеното укинување на дизелот до 2040 година е еден од нашите централни еколошки планови“, додаде тој.
Компанијата има намера да се потпре на биогоривата, меѓу другото, да се произведуваат од отпаден материјал, така што производството на гориво нема да влијае на производството на храна.
Што се однесува до новите возила, компанијата соопшти дека во иднина ќе купува само мотори на водород или електрични мотори на батерии.
Подружницата на компанијата што се занимава со карго превоз, DB Cargo, објави слични цели во средината на јануари, вклучително и локомотиви кои можат да избираат помеѓу дизел и електричен погон и затоа можат да работат на електрифицирани линии, но и онаму каде што тие не се достапни.
