Идрис Елба моментално е еден од фаворитите кога е во прашање преземањето на улогата на Џејмс Бонд, која претходно го играше Даниел Крег.
Актерот познат по серијата Luther на почетокот бил поласкан што го земаат предвид за улогата, но со текот на времето бил одбиен од реакциите на некои обожаватели, пренесува Deadline.
„Искрено, бев многу поласкан од тоа. Си мислев ‘Ова е неверојатно’ бидејќи тоа е улогата на Џејмс Бонд, сите знаеме што значи тоа. Тоа е улога што ја посакуваат сите актери“, изјави Елба за време на подкастот SmartLess. „Кога ќе ве прашаат дали сакате да бидете Џејмс Бонд, знаете дека го достигнавте врвот на вашата кариера.“
Актерот на почетокот беше среќен затоа што на фановите им се допадна идејата тој да биде новиот Џејмс Бонд, но тој беше разочаран кога некои од обожавателите на серијата се налутија поради неговата раса.
„Оние кои не беа задоволни од идејата да бидам Џејмс Бонд ми ја згадија целата работа и ме одвратија од улогата бидејќи сè се сведе на дискусија за расата. Стана бесмислено и јас ги трпев последиците“, рече Елба.
Елба за време на интервјуто за Esquire претходно оваа година рече дека повеќе не сака да се претставува како црн актер.
„Да се биде актер е професија, исто како и архитект, тоа не се дефинира со раса. Меѓутоа, ако сакате вашата работа да биде дефинирана според вашата раса, имате право да го направите тоа“, рече тој.