Илјадници луѓе протестираа во најголемиот град во Мјанмар, барајќи ослободување на премиерката Аунг Сан Су Ќи, пренесе BBC.
Најмалку 2.000 луѓе скандираа „Да живее мајка Су“ и „Долу за воената диктатура“. Демонстрантите маршираа низ главните улици на Јангон, блокирајќи го сообраќајот.
И покрај присуството на силните безбедносни сили, немаше конфликт меѓу полицијата и демонстрантите. Протестите беа одржани дополнително во уште два града.
Новата воена власт дополнително го ограничи пристапот до интернет, па по Facebook ги блокираа и социјалните мрежи како Twitter и Instagram. Во текот на претходните 5 децении земјата беше изолирана, а комуникацијата со меѓународната заедница строго контролирана.
Петгодишното владеење на Су Ќи е најдемократскиот период во Мјанмар, и покрај тоа што војската и понатаму има широки овластувања.
Аунг Сан Су Ќи е во домашен притвор, изјави нејзиниот адвокат. Полициските документи покажуваат дека е обвинета за илегален увоз и употреба на комуникациска опрема.
