Инфлуенсерката Софија Чон настрада додека се обидувала да направи совршено селфи на водопад во близина на Јуен Лон во Хонгконг, пишува The Sun.
Софија со три пријателки била на излет во паркот Ха Пак Лаи, кога се обидела да сними селфи над водопад. Но, притоа изгубила рамнотежа и паднала од карпа во провалија. Нејзините пријатели веднаш повикале брза помош и Софија набргу била однесена во болница, каде е прогласена за мртва.
Инфлуенсерката често објавуваше фотографии на кои позира на опасни места, порачувајќи дека „животот би требало да биде забавен, а не глупав“.
Софија не е првата која загина на ова место, минатиот јануари жена од Индија почина откако се обидувала да направи селфи во близина на водопадот.