Обожаватели на иранскиот фудбалер Амир Наср-Азадани протестираат против погубување на популарниот спортист во таа земја.
Наср-Азадани е обвинет за вмешаност во убиства на тројца припадници на безбедносните сили, вклучително и за двајца припадници на полицијата, во текот на протестот во Исфахан на 16 декември, пренесоа иранските медиуми.
Според медиумите, главниот градски судија Асадула Џафари рекол дека фудбалерот е обвинет поради нередите против власта. Според иранскиот кривичен закон, ова дело подразбира смртна казна и тој е меѓу приведените кои се соочуваат со погубување во оваа земја.
Извор близок до фудбалерот вели дека обожавателите се надевале дека фудбалерот ќе биде ослободен. Семејството на Наср-Азадани на почетокот не знаело која е причината за апсењето на нивниот син, ниту знаеле во каква состојба е, пренесува CNN.
Властите им порачале да молчат за случајот, доколку сакаат синот да им биде ослободен.