САД денеска ќе ја отворат новата амбасада во Ерусалим – потег што Израел го пофали, а Палестинците го осудуваат.
Високи претставници од САД ќе присуствуваат на свеченоста, меѓу кои ќерката на Доналд Трамп, Иванка, и нејзиниот сопруг Џеред Кушнер, и двајцата високи советници на претседателот, кои веќе пристигнаа во Израел.
Палестинците се противат што САД го признаваат Ерусалим за главен град на Израел бидејќи тврдат дека источниот дел на градот е нивен и треба да биде главниот град на палестинската држава.
Палестинците во Газа денеска се судрија со израелските трупи на границата и две лица беа смртно застрелани во протестите.
Хамас, исламистичката група што владее со Газа, ги организира масовните протести во т.н. Голем повратен марш за преминување на границата во изминатите шест недели.
Околу 45 Палестинци беа смртно застрелани од израелските трупи во овој период, а има и илјадници ранети.
Израел го окупираше Источен Израел во 1967 година и го анексираше секторот, потег што не беше признаен од ниту една земја, сѐ додека Трамп не го направи тоа во декември, 2017 година.
Одлуката на Трамп да го признае Ерусалим за главен град на Израел ја прекина долгогодишната неутралност на САД по ова прашање и ги подгреа тензиите со меѓународната заедница.
Мала привремена амбасада ќе почне од денеска да функционира во постоечкиот конзулат на САД во Ерусалим, а подоцна ќе се пресели во поголем објејкт кога останатиот дел од амбасадата ќе се премести од Тел Авив.
Свеченото отворање ќе се поклопи со 70-годишнината на државноста на Израел.
Се очекува Доналд Трамп да се обрати на свеченоста преку видеоповик.