Пристигна трејлерот за последната сезона на полуларната серија за британското кралско семејство, а воедно е објавен и датумот на излегување на првите епизоди.
Трејлерот за 6. сезона на серијата на Netflix го прикажува враќањето на Имелда Стонтон како кралицата Елизабета. Исто така, може да се видат клипови од актерките кои претходно го играа нејзиниот лик - Клер Фој и Оливија Колман.
Првите четири епизоди од серијата ќе бидат објавени на стриминг платформата на 16 ноември. Потоа ќе се направи пауза од речиси еден месец пред да бидат достапни последните шест епизоди на 14 декември.
Претстојната сезона на историската драмска серија на Питер Морган ги раскажува доцните 90-ти и раните 2000-ти, период дефиниран со трагичната смрт на принцезата Дијана.
Што се однесува до смртта на Дијана, извор за Variety изјави дека продукцискиот тим сакал „да ја одработи како што треба и внимателно да постапува со неа“. Новите епизоди ќе ја следат и расцутената романса на принцот Вилијам и Кејт Мидлтон додека и двајцата студираа на Универзитетот „Сент Ендрјус“.
Во новата сезона играат Елизабет Дебики како принцезата Дијана, Ед МекВеј како принцот Вилијам, Лутер Форд како принцот Хари, Мег Белами како Кејт Мидлтон, Џонатан Прајс како принцот Филип, Доминик Вест како принцот Чарлс и Оливија Вилијамс како Камила Паркер-Боулс.