Јужна Кореја е во состојба на целосна воена подготвеност откако се појавија шпекулации дека Северна Кореја наскоро повторно ќе изведе тестирање на балистичка ракета.
Се стравува дека тоа би можело да е случи кога Северна Кореја ќе одбележува 72 години од основањето на владејачката Работничка партија.
Агенцијата AFP потсетува дека Пјонгјанг често изведува провокативни тестови за одбележување на клучни историски моменти за земјата.
Портпаролот на Здружениот генералштаб на Јужна Кореја рече дека војската внимателно го следи движењето на севернокорејската војска и дека е на воен готовс.
Агенцијата „Јонхап“ објави дека на одредени локации во Северна Кореја се забележани „конзистентни поместувања на војска и опрема“ и дека можно е во тек да се подготовки за ново тестирање на вооружувањето на земјата.
Уште не е познато дали Северна Кореја ќе одржи официјална прослава за годишнината од основањето на владејачката партија, ниту дали лидерот Ким Џонг Ун ќе се појави пред јавноста.
Севернокорејтките медиуми известуваат дека истовремено се работи на развој на нуклеарно оружје и на стопанството и додаваат дека воената сила е гаранција за победа.
Во почетокот на септември, Северна Кореја ја изведе шестата и најобемна нуклеарна проба досега, со тврдење дека имало експлозија на хидрогенска бомба што може да се прикачи на ракета.
