Информацијата дека македонскиот документарец „Медена земја“ доби две номинации за Оскар одекна низ нашата земја како долго чекана добра вест.
Оваа радосна вест, секако, највозбудено ја дочека екипата на филмот.
Режисерите Тамара Котевска и Љубомир Стефанов и кинематограферот Самир Љума се во Еквадор, од каде преку социјалните мрежи објавија пренос во живо од соопштувањето на номинациите за Најдобар документарец.
„Медена земја“ доби номинација и за Најдобар странски филм, што го прави ова најголемиот успех на македонски филм досега.
Документарниот филм Медена земја е во режија на Љубомир Стефанов и Тамара Котевска. Филмот е во продукција на Атанас Георгиев, кој е и монтажер, а кинематографијата е на Фејми Даут и Самир Љума.
