Кој го гледаше Светското првенство во 2010 година во Јужна Африка, се сеќава на провокативната парагвајска навивачка, која потоа се најде во центарот на вниманието низ целиот свет, бидејќи го чуваше телефонот меѓу градите на натпреварите на нејзината репрезентација.
Иако денес може да се видат атрактивни фанови на секое фудбалско првенство, Лариса е една од првите што стана фокус на светската јавност поради нејзините атрибути и огненото навивање.
Лариса Рикелме беше модел и актерка во Парагвај, а се стекна со слава за време на натпреварот помеѓу Парагвај и Словачка, кога беше фотографирана додека славеше гол, и ја држеше нејзината Nokia меѓу градите, облечена во маица во боите на Парагвај.
По ова видео кое го обиколи светот, Лариса стана едно од најпребаруваните имиња на интернет, а од светските спортски медиуми беше прогласена за најпозната навивачка на тоа Светско првенство.
Кога Диего Марадона изјави дека ќе трча гол низ Буенос Аирес доколку Аргентина го освои тој шампионат, Лариса изјави дека ќе трча гола доколку Парагвај го освои шампионатот, па дури и ако стигне до полуфиналето. Парагвај беше елиминиран во четвртфиналето од Шпанија, и за да си го одржи зборот (како што рече таа), таа се согласи да се слика за септемвриското издание на Playboy истата година.
Кратко по тоа Светско првенство, таа ја заврши својата навивачка кариера, а следната година започна страсна врска со фудбалерот Џонатан Фабро, со кого се омажи во 2013 година.
Иако првично беа омилен пар на локалните медиуми, работите се променија поради однесувањето на Фабро.
Една година пред нивното емоционално зближување, Фабро со автомобил ја удри 23-годишната Моника Беатрис Депелер која го возела својот петгодишен син на мотор. Младата жена беше мртва на лице место, а фудбалерот му плати отштета на семејството.
Пет години подоцна, Фабро беше обвинет за сексуално малтретирање на неговата малолетна внука (11 години), ќерка на неговиот брат Дарио, исто така фудбалер. Беше осуден на 14 години затвор во 2019 година за сексуална злоупотреба на внуката.
Лариса пак, и денес е атрактивна жена која живее семеен живот, а понекогаш објавува и атрактивни фотографии на својот Instagram.
Минатата година, таа главно минуваше време дома во изолација поради пандемијата.
Лариса денес има 36 години, уште се занимава со манекенство и повеќе од милион и пол луѓе ја следат на Instagram. Покрај манекенството, таа е и ТВ водителка.
Тој многу ретко објавува провокативни фотографии, а Instagram го користи повеќе за рекламирање производи и некои семејни фотографии со децата.
