Фотографија од алманах откри како изгледала Џеј Ло додека била средношколка.
И додека со години ја препознаваме по долгата коса, на фотографија од школскиот алманах актерката и пејачка изгледала многу поинаку.
Џеј Ло многумина ја сметаат за една од најатрактивните латино пејачки и актерки, а и во шестата деценија од животот изгледа неверојатно младолико. Но, се чини дека нејзината фотографија од алманахот воопшто не ѝ ласка.
На социјалните мрежи неодамна почна да кружи фотографија од Џенифер, на која носи прилично кратка фризура. Фотографијата е од 1987 година, а на неа делува постаро од сега. Истата е дел од алманах на средното училиште Престон во Бронкс, а под неа е наведен цитат одбран од актерката.
„Колку прекрасно исполнување на сонот е да сакаш некој кој те сака тебе“, пишува под фотографијата.
Лопез е ѕвезда на декемвриското издание на Vogue, а летово се венча со актерот и режисер Бен Афлек.
