Новиот филм за Бетмен со Роберт Патинсон во главната улога е еден од филмовите кои со нетрпение се очекуваат.
Warner Bros. Pictures и режисерот Мет Ривс конечно го објавија долгоочекуваниот трејлер за „The Batman“.
Дејството е сместено во периодот на раните денови на Брус Вејн како Бетмен и се фокусира на корупцијата во Готам.
Ривс претходно ги предупреди фановите да не очекуваат класичен филм за мрачниот суперхерој со јасно формирани херои и негативци, потсети The Verge.
Бетмен во новиот филм го игра Роберт Патинсон, избор на кој многу фанови реагираа со неверување и разочараност. Од она што можеме да видиме во трејлерот, има сцени во кои Патинсон сериозно потсетува на Хит Леџер како Џокерот во The Dark Knight од 2008 година на Кристофер Нолан, што додава голема доза на интрига во очекување на филмот.
Снимањето уште трае, а премиерата се очекува на 1 октомври, 2021 година.
