По краткото појавување како Супермен во суперхеројскиот филм „Black Adam“, Хенри Кавил на Instagram потврди дека повторно ќе го гледаме во оваа улога. Сепак, тој досега е најсовршениот за оваа улога.
„Почекав да помине викендот пред да го објавам ова, затоа што сакав да ви дадам можност сите да го гледате„Black Adam“. Но, сега пред сите вас сакам ова да биде официјално потврдено – се враќам како Супермен“, соопшти британскиот глумец.
Кавил јавно им се заблагодари на обожавателите за поддршката и трпението, додавајќи дека тоа ќе биде наградено.
Претходно, го гледавме како Супермен во „Man of Steel“ од 2013 година, па во „Batman v Superman: Dawn of Justice“ од 2016 година, како и во „Justice League“ од 2017 година.
