Холивудскиот миленик Кијану Ривс сподели интересни информации за неговите актерски аспирации.
Тој е големата акциона ѕвезда на франшизите John Wick и The Matrix, но откри дека сакал да биде суперхеројот во една друга подеднакво популарна филсмка франшиза.
Ривс (55) призна дека отсекогаш сакал да го игра ликот на Вулверин во франшизата X-Men.
Тој го откри ова во разговор со Алекс Винтер, како дел од промоцијата за неговиот нов филм Bill And Ted Face The Music.
„Отсекогаш сум сакал да го играм Вулверин“, му рече Ривс на Винтер, кој го утеши дека „никогаш не е доцна да се исполни тој сон“.
Ривс се насмеа и одмавна со глава: „Сега е предоцна. Се помирив со тоа.“
Хју Џекман го играше легендарниот лик на мутантот суперхерој во речиси сите филмови од франшизата X-Men од 2000 година, како и во продолженијата, сѐ до филмот Logan во 2017 година, кога беше последното официјално појавување на Вулверин во овие филмови.
