Ким Кардашијан на социјалните мрежи објави фотографии на кои позира во градник од Gucci од 18.000 долари, кој едвај ѝ ги покрива градите.
Овој дијамантски градник беше дел од ревијата на споменатиот бренд во 2019 година, а го дизајнираше Алесандро Микеле. Покрај него, таа носеше и свилени панталони вредни 1.650 долари и наметка од 3.600 долари.
„Сѐ е Gucci“, наведе во описот, а поради ова смело издание собра бројни комплименти на Instagram.
Таа неодамна го привлече вниманието на Модната недела во Париз облечена во свилен фустан кој го истакна нејзиното бујно деколте. Срдечно се поздрави со Дејвид Бекам, кој со остатокот од семејството пристигна за да ѝ даде поддржка на сопругата Викторија.
Но, она што го привлече вниманието е тоа што Ана Винтур ја сврте главата во друга насока кога Ким помина покрај неа. Седеа една до друга, а по некое време Ана стана за да си ги смени местото.
Многумина веруваат дека со овој потег јасно ѝ ставила до знаење на Ким дека не може да ја поднесе. Видеото стана популарно на социјалните мрежи.