Властите во Пекинг, со население од 20 милиони, спроведуваат масовни тестирања на сите добавувачи и вработени на градските пазари со цел да воспостават контрола врз новиот бран на коронавирусот, објавија денеска државните медиуми.
Дневниот број на пациенти во вториот бран во Пекинг ги надмина бројките од најлошиот период на првиот бран на почетокот на февруари.
Властите сега се обидуваат да тестираат десетици илјади вработени во службите за испорака и на кванташките пазари кои секој ден постојано се движат низ кинескиот главен град, а порталот The Beijing News (新京报) објави дека сите добавувачи ќе бидат тестирани до следната недела.
Бројот на новозаразени во Пекинг дополнително се намалува и поради строгите мерки за итни случаи што ги воведе кинеската Влада.
Според официјалните податоци, во Пекинг денеска се потврдени 22 нови случаи на COVID-19, плус 5 во други делови на Кина, нема нови смртни случаи, додека 308 лица се хоспитализирани.
Од почетокот на новиот бран, кој почна минатата недела во Пекинг, регистрирани се вкупно 205 нови случаи.
