Кантри пејачот Кит Урбан со години водеше битка со зависности, која вели дека завршила кога ја запознал сопругата Никол Кидман, за која тврди дека му го спасила животот.
Бидејќи дрогата и алкохолот се чести „сојузници“ во светот на славните, тоа не го заобиколи Кит Урбан, кој долго време беше во заробеништво на зависностите.
Сепак, од пеколот го извлекла сопругата Никол Кидман, која препознала какви битки води Кит. Иако неколкупати побарал помош во клиника за рехабилитација, последната, посетата само четири месеци по нивната венчавка во 2006 година, била последната.
Тогаш пејачот си признал како тоа можело да го чини бракот со Никол.
„Мојот нов брак потоа се распадна. Чудо е што успеа да преживее. Со Никол духовно се разбудив. Велам дека повторно сум роден со неа и така се чувствувам. За првпат во животот успеав да се ослободам од оковите на зависноста“, изјави пејачот.
Благодарност до сопругата за љубовта и поддршката, Кит ѝ изразил и со песната „Thank You“.
„Благодарен сум ти за мојот живот и му благодарам на Бога за милоста што ми стана жена“, е дел од текстот на песната.
Урбан призна дека му е драго што го завршил тоа поглавје од неговиот живот, но и дека тоа не влијаело на неговата креативност.
„Морав да најдам поинаков начин да преживеам во светот. Мило ми е што не влијаеше на мојата музика. Напишав многу песни додека бев пијан. Пишував и трезен. Среќен сум што тоа не ја дефинира мојата креативност“, рече Урбан.
Врз неговата зависност имало влијание и фактот дека татко му бил алкохоличар.
„Татко ми беше алкохоличар. Пораснав во таква куќа и ми требаше долго време да сфатам дека и самиот сум зависник. Не пиев како него, па долго време се споредував со него. Но, конечно успеав да направам избор во мојот живот, кој би сакал да го направеше и татко ми“, додаде пејачот чиј татко почина во 2015 година.
Урбан ретко зборува низ што поминал, а тврди дека денес му е најважно на својата публика да ѝ понуди добра музика и забава.
Никол и Кит, кои заедно ги имаат ќерките Сандеј и Фејт, минатата година прославија 15 години брак, а по тој повод Кит на социјалните мрежи сподели фотографија со романтичен опис.
„Среќна годишнина, девојко. Мојот живот започна кога рече ‘да’ на денешен ден, пред 5.475 дена“, напиша тогаш тој.
