Фудбалерот на Барселона Лионел Меси стави потпис на нов договор со клубот до 2021 година.
Како што е соопштено на официјалниот сајт на каталонскиот клуб, откупната клаузула во новиот договор изнесува неверојатни 700 милиони евра.
Аргентинецот на „Камп Ноу“ пристигна во 2000 година, како 13-годишно момче.
За првиот тим на Барселона дебитираше на само 16 години во пријателски натпревар против Порто, за следната сезона да заигра во првиот официјален натпревар за шпанскиот гигант против Еспањол.
Тој со Барселона досега освои вкупно 30 титиули, одигра 602 натпревари и постигна 523 погодоци.
Меси и Барселона заедно освоија четири Лиги на шампиони, осум титули државен првак, три титули клупски првак на светот... вкупно дури 30.
Пет пати ја освои наградата за најдобар играч на светот, односно Златната топка.
