Комичарот Крис Рок конечно проговори за оскаровскиот инцидент кога актерот Вил Смит му удри шлаканица, порачувајќи дека сè уште се обидува да сфати што точно се случи, пишува Variety.
Рок се појави на настап што го започна со прашањето „Како помина вашиот викенд?“, предизвикувајќи смеа кај публиката. Потоа додаде дека во овој момент на репертоарот нема никаква шега на сметка на шлаканицата бидејќи „сè уште се обидува да сфати што точно се случи“.
„Во еден момент ќе зборувам за тоа и ќе биде многу смешно“, додаде Рок.
Вил Смит им се извини на колегите, како и на Крис Рок за инцидентот со објава на Instagram. Академијата за филмски уметности и науки вети дека ќе преземе примерни мерки по шлаканицата, осудувајќи ја постапката на Смит.
Актерот освои Оскар за најдобра машка улога во филмот „King Richard“. Академијата објави дека Смит одбил да си замине од церемонијата на доделувањето на Оскарите по нападот врз Рок.