СВР Куманово поднесе кривична пријава против В. М. (51) од Струмица, поради постоење основи на сомнение за сторено кривично дело „фалсификување исправа“.
Кривична пријава има и против С. Ј. (25) од Радовиш, Р. М. (24) од Струмица, О. Ј. (23) од Радовиш, Џ. С. (43) од Радовиш, М. Р. (25) од Радовиш, С. С. (18) од Радовиш, Е. С. (47) од Радовиш, Е. Д. (65) од Радовиш, К. Р. (23) од Радовиш, С. Д. (67) од Радовиш и А. М. (24) од Струмица, поради постоење основи на сомнение за сторено кривично дело „употреба на исправа со невистинита содржина”, информираат од МВР.
– Првопријавената, во текот на 2021 година изготвувала фалсификувани ПЦР тестови за COVID-19 и ги продавала на лица кои имале потреба да патуваат во европските земји. Меѓу нив биле и останатите пријавени, кои на 09.10.2021 ги приложиле фалсификуваните тестови на Граничен премин „Табановце“, велат од МВР.