Жителка на Струмица доби кривична пријава поради приложување лажен ПЦР тест на ГП „Табановце“, соопшти МВР.
Регионалниот центар за гранични работи Север поднесе кривична пријава против О.Г. (46) од Струмица, поради постоење основи на сомнение за сторени кривични дела „фалсификување на исправа“ и „непостапување според здравствените прописи за време на епидемија“, соопшти попладнево Министерството за внатрешни работи.
Како што посочуваат од МВР, на 20.11.2021 на Граничен премин „Табановце“ пријавената приложила фалсификуван ПЦР тест.
