Цела Куба остана без електрична енергија откако ураганот Jан го погоди западниот дел на земјата оставајќи 11 милиони жители на островот во темнина, соопшти владата на оваа карипска земја.
Шефот на кубанската електроенергетска компанија соопшти на државната телевизија дека прекинот на електричната енергија е поради дефект на националниот електроенергетски систем.
Официјални лица велат дека електроенергетскиот систем доживеа тотален колапс откако една од главните централи не можеше повторно да се приклучи на мрежата, пренесе BBC.
Во налетите на ураганот Jан на островот досега се регистрирани две жртви, десетици илјади жители се евакуирани, а бројни згради ширум земјата се оштетени.
