Политичката партија Левица преку социјалните мрежи претпладнево ја алармираше јавноста за формирање на нелегална депонија на територијата на скопската општина Аеродром.
„Како партија делуваме во согласност со потребите на жителите и секогаш алармираме за проблемите кои ги мачат аеродромци. Еден таков проблем е и создавањето на нова депонија која се наоѓа во Ново Лисиче, на бул. 'АСНОМ' (после ФФМ)“, стои во објавата на Левица Аеродром во која се апелира до градоначалникот Тимчо Муцунски и неговата администрација „да реагираат без пролонгирање, за да не се влоши новонастанатата ситуација.“
Одржувањето на јавната чистота и соодветното управување со отпад мора да се приоритет на секоја локална власт, велат од Левица и ги потсетуваат жителите на Аеродром дека советниците на Левица секогаш се достапни „за да ги артикулираат нивните барања - како и да помогнат во изнајдувањето решенија“.
НОВА ДЕПОНИЈА ВО НОВО ЛИСИЧЕ Како партија делуваме во согласност со потребите на жителите и секогаш алармираме за...
Posted by Левица - Аеродром on Monday, October 17, 2022