Стив Ханке, професор по применета економија на Универзитетот „Џон Хопкинс“, состави листа на најмизерните земји во 2022 година.
Резултатите се нивото на невработеност (помножено со два), инфлацијата и стапките на кредитирање на банките минус годишната процентуална промена на реалниот БДП по глава на жител.
На првото место на листата на Ханке се наоѓа Зимбабве, чиј индекс на мизерија е 414,7. Како најголем фактор за лошата состојба во оваа земја се наведува инфлацијата.
Северна Македонија се најде на 39-тото место со индекс на мизерија од 50,4 благодарение на невработеноста. Ист индекс со нај има, пазете, Мјанмар, а веднаш зад нас се Алжир, Нигерија, Тунис и Мавританија...
Кога станува збор за другите земји во регионот, најмизерна е Босна и Херцеговина на 18-то место, Црна Гора е на 34. место, Србија на 54. место, Романија на 79-то Грција на 84. место, Албанија на 97. место, Хрватска 98. место, Бугарија на 101. место и Словенија на 118-то.
Комплетната листа, која содржи 157 земји, можете да ја погледнете тука. Последното место го зазеде Швајцарија. Нејзиниот индекс на мизерија е 8,518 и со тоа важи за најмалку мизерна земја. Пред неа се Кувајт, Ирска, Јапонија и Малезија.