Сенегалскиот интернационалец Садио Мане посакува да се врати во Премиерлигата и повторно да го носи дресот на Ливерпул. Англиските медиуми откриваат дека тој е многу несреќен во Германија, не се снашол најдобро и токму од фрустрацијата произлезе неговиот физички напад кон Лирој Сане по 3:0 поразот од Манчестер Сити.
Негова желба е да се врати во Ливерпул, а поранешниот клуб би можел да го купи за 20 милиони евра. Сепак, тоа нема да биде лесна одлука, затоа што Клоп веднаш донесе замени, тука се Дарвин Нуњес, Коди Гакпо, а и опоравениот Луис Диас.
Како опција се споменува Пари Сен-Жермен, кој и претходно беше заинтересиран за Садио Мане, но Сенегалецот преферираше да се пресели во Баерн затоа што добро го зборува и германскиот јазик кој го научи од времето додека играше за Салцбург. Секако, како Сенегалец одлично зборува и француски.
