Најпознатиот стадион во светот ќе ги пречека финалистите од новата сезона во јужноамериканскиот пандан на европската Лига на шампиони.
Стадионот „Жорналиста Мариу Фиљу“ во Рио де Жанеиро, општо познат како „Маракана“, е избран да биде домаќин на финалето 2023 во Копа Либертадорес, кое ќе се игра на 11 ноември, објави КОНМЕБОЛ.
Именуван по славниот бразилски спортски новинар Мариу Родригис Фиљу, кој во 1926 година во весникот A Manhã почнал дотогаш непозната рублика во Бразил - спортско новинарство.
Сезоната 2023 во Копа Либертадорес веќе е во тек, а се играат квалификациите кои се стигнати до реваншите од последното коло, на програмата следната недела. Групната фаза ќе почне на 27 март, а бранител на тронот е бразилски Фламенгу,
Откако се игра еден финален натпревар, од 2019 година, „Маракана“ втор пат ќе биде домаќин откако го организираше и финалето во 2020 година, но тогаш поради пандемијата беше дозволено присуство на само 5 илјади гледачи. Во тоа бразилско финале Палмејрас го совлада Сантус со 1:0.
КОНМЕБОЛ одлучи и за финалето во Копа Судамерикана, второто по ранг натпреварување во Јужна Америка и пандан на Лига Европа на УЕФА. Организатор на тоа финале ќе биде уругвајската престолнина Монтевидео, а стадионот на кој ќе се игра ќе биде дополнително одлучен. Ќе се игра на 28 октомври.
