Килјан Мбапе (23) ја најави својата иднина на официјалната гала вечера на УНФП.
Договорот на ѕвездата на ПСЖ истекува на крајот од сезоната и сè уште не е познато дали ќе го продолжи или ќе замине во Реал Мадрид, кој долго време беше голем фаворит за негово доведување.
„Не можам да кажам ништо за мојата иднина, но сè ќе знаете многу брзо. Речиси сè е решено. Ова не е вистински момент да зборувам за мојата иднина, но да, мојата одлука е речиси донесена. Официјално ќе ја објавам мојата одлука за иднината пред да ѝ се приклучам на француската репрезентација во јуни“.
Фабрицио Романо додава дека Реал Мадрид сега е уште поголем оптимист за овој трансфер. ПСЖ му понуди на Мбапе подобрена понуда да остане во клубот, но францускиот напаѓач е повеќе наклонет кон Мадрид.
