Откако се повлекоа од кралските должности за да си ја заштитат приватноста, светот ги исмева принцот Хари и Меган Маркл за нивното контрадикторно однесување.
Токму тие двајца станаа инспирација за новата епизода од популарната серија South Park наречена „World Private Tour“.
„Сериозно ме полудуваат. Ми се гади што слушам за нив. Но не можам да побегнам од нив. Насекаде се!“, извикува вознемирениот Кајл во трејлерот за новата епизода. Неговиот пријател Стен тогаш одговара: „Види, Кајл, едноставно не ни е грижа за некој глупав принц и неговата глупава сопруга“.
Во трејлерот, Меган и Хари се прикажани како патуваат низ светот со транспаренти „Сакаме приватност“ и „Престанете да гледате во нас“.
Во епизодата има и сцена што се случува на сетот на ТВ-шоу.
„Живеевте со кралското семејство. Имавте сè на располагање, но велите дека животот ви бил тежок. Сè за тоа напишавте во вашата нова книга Waaah“, им вели водителот.
Сопругата на принцот тогаш одговори: „Реков, треба да напишеш книга бидејќи кралското семејство е глупаво, а исто така и новинарите“.
Потоа водителот го прашува принцот: „Зарем не е вистина, господине, дека вашата сомнителна сопруга има свое ТВ-шоу и се дружи со познати личности и се појавува во модни списанија? Мислам дека некои луѓе би можеле да речат дека вашата кучка од сопруга која го обожава Instagram всушност не сака приватност“.
„Како се осмелувате, господине?“, се налутува принцот и нагласува дека тој и неговата сопруга „која отсекогаш ја сакала нејзината приватност“ се преселуваат во Саут Парк.
South Park have literally nailed Harry and Meghan pic.twitter.com/fJ38lUgm59
— starfisher (@starfis53829647) February 16, 2023
Секако, тие се вселуваат во куќата спроти домот на Кајл, кој им се жали на пријателите: „Нивниот огромен авион е паркиран пред мојата куќа и постојано сакаат да им ја купам книгата“.