Германската канцеларка Ангела Меркел ги поддржа повиците за построги локдаун мерки на ниво на целата земја, потврди денес нејзината портпаролка Улрике Демер.
Тоа би подразбирало пократок национален локдаун насочен кон спречување на ширењето на епидемијата на коронавирус, рече Демер, додавајќи дека германскиот здравствен систем е под зголемен притисок.
Имено, 16 германски сојузни покраини во моментов имаат различни мерки на сила, што „не придонесува за безбедност и прифаќање на мерките“, рече Демер.
