Германија за уште еден месец ќе ги продолжи ограничувањата и воведува некои построги мерки за време на велигденските празници, во обид да се запре ширењето на коронавирусот, соопшти утринава канцеларката Ангела Меркел.
Мерките воведени на 28 март ќе траат до 18 април.
„Ние сме всушност во нова пандемија. Имаме нов вирус од истиот вид, но со поинакви карактеристики – посмртоносен и позаразен“, рече Меркел.
Повеќето продавници ќе бидат затворени, а верските служби ќе бидат откажани за Велигден, од 1 до 5 април, во рамките на засилените ограничувања воведени за да се запре ширењето на COVID-19.
Собирите, како и рестораните на отворено, ќе бидат забранети од 1 до 5 април, а само продавниците за храна можат да бидат отворени на 3 април.
Покрај тоа, голем број ограничувања што се во сила од крајот на 2020 година, како што се ограничувањето на приватните собири, затворањето на културни простории и забавни простории, се продолжени до 18 април.
-Ситуацијата е сериозна, бројот на случаи расте и креветите на интензивна нега се полнат, рече канцеларката на прес-конференцијата по 12-часовните разговори со гувернерите.
