Една од најголемите ѕвезди на Баерн и германската фудбалска репрезентација Томас Милер (33) не доби повик од тренерот Ханси Флик, одлука која ја изненади тамошната јавност и која самиот Флик на крајот мораше да ја објасни.
Иако се очекуваше Милер да се повлече од репрезентацијата по елиминацијата на Германците во групната фаза на Светското првенство во Катар, напаѓачот на Баерн не ја одбра таа опција и очекуваше да продолжи да настапува за националниот тим, но плановите му ги смени тренерот кој не го покани.
Како што рече Флик, тоа не значи дека неговата кариера во германската репрезентација е завршена, и дека претходно му објаснил зошто нема да биде повикан.
„Разговарав со Томас и му објаснив дека нема да го повикам за натпреварите во март и јуни. Но, морам да кажам дека тоа не значи дека неговата кариера во репрезентацијата е завршена и дека нема да има место во тимот на Европското првенство“, рече тој Флик.
После се зборуваше и Милер кој рече дека тој и тренерот се ценат.
„Најавено е дека Ханси Флик нема да ме покани на следните два собири. Се цениме еден со друг и ќе продолжиме да бидеме во добри односи, а ќе видиме што ќе биде понатаму, навивам за тимот во првите мечеви годинава. Сакам да ја искористам оваа пауза за подобро да се подготвам за предизвиците со Баерн, доаѓа решавачкиот дел од сезоната и мојот глад за трофеи е сè уште ист“, рече Мулер.
За германската репрезентација Милер одигра вкупно 121 натпревар и постигна 44 голови.