Ако Русија целосно го прекине снабдувањето со гас за Европа, БДП во земјите кои се најзависни од рускиот гас ќе падне до 6%, што ќе предизвика нивно паѓање во рецесија, предупреди Меѓународниот монетарен фонд.
Се шпекулира дека рускиот претседател Владимир Путин ќе го задржи затворен Северен поток 1 по истекот на рокот за рутинско одржување.
Во својата анализа, ММФ наведува дека Европа „сè уште нема сеопфатен план“ за справување со недостигот на гас, што значи дека цените на енергијата ќе продолжат да растат, што пак ќе има значително влијание врз економскиот раст.
ММФ конкретно ги издвои Унгарија, Словачка и Чешка како три земји-членки на ЕУ кои ќе претрпат најлошо влијание во случај Русија навистина целосно да го прекине снабдувањето со гас, но нагласува дека во тој случај Германија, Австрија и Италија исто така ќе претрпат значителна штета на економијата.