Реал Мадрид е во клучна фаза на подготовки за новата сезона.
Шпанската Ла Лига започнува за една недела, а играчите сѐ уште работат на кондициската база по напорното лето во кое повеќето од нив имаа обврски со репрезентациите.
Антонио Пинтус е главен кондициски тренер, и воведе интересна технолошка иновација на тренинзите. Фудбалерите на Реал вчера одиграа тренинзи облечени како нуркачи.
Се разбира, постои многу рационална причина да се користи таква опрема. Тоа е систем кој ги одржува условите за помал воздушен притисок. Тимовите многу често изведуваат дел од подготовките на поголема надморска височина за да се вклопат во тешки услови. Поради ограничувањата за патување предизвикани од коронавирусот, тие можности се многу помали оваа сезона, така што Реал мораше да посегне по нови решенија што симулираат тренинг на височина.
Реал првиот натпревар во лигата ќе го одигра следната сабота кога гостува кај Алавес.