Една од најубавите актерки на сите времиња, Моника Белучи, по четири години повторно е вљубена.
Моника и филмскиот продуцент Тим Бартон почнале врска пред четири месеци и се обидувале да ја сокријат од јавноста. Сепак, парот не успеа долго да ја чува својата тајна бидејќи некои извори ги разоткрија за англиски Daily Mail, тврдејќи дека сè започнало во октомври минатата година.
Тогаш 58-годишната Италијанка на 64-годишниот Американец му ја врачи наградата за животно дело Lumiere. После тоа, тие продолжиле да се гледаат и беа забележани на емитувањето на Silent Documentary Film, филмски класик режиран во 1895 година од познатиот Французин Луј Лумие.
Моника Белучи и Тим Бартон првпат се сретнаа во 2006 година додека присуствуваа на доделувањето на наградите во Кан, но се зближија дури 16 години подоцна, на престижниот настан одржан во Лион.
Актерката претходно беше во врска со уметникот Николас Лефевр, со кој раскина во 2019 година, а од 1997 до 2013 година беше во брак со Венсан Касел, со кој има две ќерки, 18-годишната Дева и 12-годишната Леони.
Тим Бартон беше во брак со Хелена Бонам Картер, актерката која ја играше принцезата Маргарет во „The Crown“, од 2001 до 2014 година, со која ги има 20-годишниот син Били и 16-годишната ќерка Нел.
