Новиот студиски албум на легендарниот британски бенд насловен „Spirit“ е мрачен и неочекувано политички.
Албумот беше премиерно претставен во петокот на интимен концерт во Берлин, а песните се инспирирани од конфликтот во Сирија и растот на национализмот во Европа.
„Сметам дека тоа е потполно мрачен албум бидејќи не гледа благо на човештвото. Меѓутоа, со оглед на тоа дека го нарековме ‘Spirit’ можеби ќе ни помогне да го вратиме човештвото на вистински пат“, рече гитаристот и клавијатурист Мартин Гор за „Reuters“.
Првиот сингл од новиот албум што беше објавен неодамна „Where's the Revolution?“ е инспириран од случувањата во 2015 година.