Тело на починат 78-годишен маж од Пробиштип со расекотини на вратот синоќа е пронајдено на улицата „Антон Панов“ во Скопје.
Полицијата информира дека случајот го пријавила Итната медицинска помош вчера во 22 часот.
Станува збор за С.Ј. (78) од Пробиштип.
Полицијата соопшти дека тој имал расекотина на вратот, а до неговото тело биле пронајдени траги од крв и нож. С.Ј. бил пронајден од неговиот внук кој го известил неговиот татко (зетот на С.Ј.), кој пак го пријавил настанот.
Увид извршила екипа од СВР Скопје.
По наредба на Јавен обвинител телото на починатиот било пренесено во Институт за судска медицина на обдукција.
