Славната пејачка Џенифер Лопез на Instagram сподели видео во кое ја откри тајната на нејзината убавина.
Не е првпат да покаже како изгледа без грам шминка, а откри дека за нега на лицето користи креми кои ја штитат кожата од сончеви зраци, како и состојки кои ја чистат кожата.
„Секогаш сум во добро здравје, моето семејство секогаш е во врвна здравствена форма. Млада сум и безвремена на секоја возраст. Мојот живот е богат со радост, среќа и љубов“, откри пејачката.
За нега на кожата има и претходно зборувано.
„Користам средство за чистење на лицето, крема со заштитен фактор, витамински серум. Тоа е основното“.
Во видеото користи производи од нејзината линија за нега на тело и лице, а откри дека нејзините најблиски имале луди тајни за убавина и користеле маслиново масло, а на косата ставале мајонез.
Видеото предизвика доста позитивни коментари, а многумина се одушевени од нејзиниот изглед.
„Старееш како вино, прекрасна си“, се дел од коментарите.
Сепак, на крајот Џенифер додава дека најдобриот трик за убавина е добро да сте наспиени, така кожата се регенерира.
