Скопје, 4 август 2020 (МИА) – Нуркачки тим од Единицата за специјални задачи при Бирото за јавна безбедност на МВР денеска околу 14:00 часот во водите на Преспанското Езеро го пронајде безживотното тело на 16-годишното момче од Ресен кое три дена се водеше за исчезнато.
Момчето беше пријавено за исчезнато на 2 август. Тоа исчезнало во водите на Преспанското Езеро кај туристичката населба „Претор“.
По насоки на Јавен обвинител телото ќе биде дадено на обдукција.